नित नव मनुहार ....नित नव रस चातुरी 2 , मृदुला

नित नव मनुहार ....नित नव रस चातुरी .....

जानो हो री न कौन , हां हां वही रसलोभी अपनो ......प्यारी ती रूप सुधा पीवन को लालच कबहुँ  नाय कम होवे या को .......ऐसो मतवारो भयो है या कि घूमत फिरत नव नव विधी बनाय सखिन कू भरमाय रिझाय ललचाय अपनो जी की करि ही लेवे है जे चतुर सिरोमनि .............आज प्यारी की भोली  सहचरी कूं मार्ग रोक लियो जा ने ......अरी रसीली जे कहा लिये जाय रई है तू !........क्यों जी तोसे क्या मतलब ......अरी मोहे तो जे मेंहदी लागे है दीखन में .........तो !   कछु नाय मैं तो एक ऐसी सखी कूं जानूँ हूँ जो बडो ही सुंदर मेंहदी सजावे है .....क्या सांची .....और नाय तो कहा मैं झूठ कई रयो हूँ ......तो बुलाय लो न वा कूं .....प्यारी जू ते कोमल करन पे जो सुंदर मेंहदी रचावेगी तो खूब पुरुस्कार देऊ वा कू ......तू तनक ठहर अभी बुलाय लातो हूँ वा ने ............दुई क्षणन माहीं एक रूपवती किसोरी झारिन ते पीछे ते निकल आयी .........चल री सखी ......अरे वो नीलमनि कहाँ गयो .......वा तो भाज गयो मोकों याहीं भेज .....चल अब अबेर मति कर री .......नवेली सखी कू साथ लेई बिचारी भोरी सहचरी उमंग ते दौड पडी प्यारी जू की सेवा उल्लास ते उमगती ........वा बिचारी कू कहा पतो कि ............अरे बडी अबेर करि दीनी तूने मेंहदी लावे मों ......हां स्वामिनी जू तनिक देर होई गयी , पर जे देखो मैं कौन लायी संग ......आह ! खिंचो जाय रयो मेरो ......जे सुंदर सखी कहाँ ते लाई है री तू !..........जे बडो सुंदर मेंहदी सजानो जाने हैं याई ते लाई हूँ .........सारी सखियन जैसे ज्यों मोहित भयीं हैं या ते रूप छटा ते ..........और जे .......जे प्रिया रूप कू चोर तो आंखिन को कानन  तक फैलाय , जैसो सबरी निधि  रूपराशि कू समेटन में लाग्यो है .....या की तो सुधि बुधि बिसरने लाग्यो ......अरी चल लगा न मेहंदी हमारी प्यारी कूं ....पर जे बडी सुकुमार है तो तनिक प्यार ते रचइयो .........प्यार ते .........मैं तो निरो प्यार ते प्यार करुं हूँ या ने ...........जे कहा कह रई री तू ! अरी बावरी मेंहदी सजानी है ,  प्यार नाय करनो .......वा के ताईं तो एक रसलंपट मंडरातो रहवे है हमारी प्यारी ते आसपास .......याही क्षण भी कोई उपक्रम रच रयो होगो वो रसचोर रस चुरावन ताईं ............सहस्र्रों नूपुर ज्यों एक साथ छनक उठे निकुंज भवन में सखियन की खिलखिलाहटो ते ..........हिय माहीं मंद मंद मुस्काय सोच रयो जे सब बडी चतुर भयीं हैं ,  सब पतों इन्हें कि का चाहूं मैं ............चलो री तो तनिक अपनी प्यारी कू कोमल कर मोरे कर में तो देओ री ............ (पाणिग्रहण करि देयो मों संग) ......मेंहदी जो सजानी है .......आह ! प्रिया कर ते स्पर्श होते ही रोम रोम ते रस प्रवाह होई चलो ..........कैसे सुकोमल अरुणिम कमल हैं प्यारी ते कर हाय ! मैं तो सारी कला भूलि जाय रयो हूँ ..........प्रिया कर कूं कर में अति सुकुमारता ते धरे खोई गयो जे रसमधुकर .........और प्यारी जू वे तो प्रथम छुअन ते ही महाभाव के महासिंधु में लहराने लागीं है ............नैनन ते नैन जुडे बिसर चुके कि कितनी प्रेमपगी अँखियाँ अति नेह ते निहार रही इस जुगल जोरी कूँ ...........